(eing.) Was für e wunderschöni Fasnacht – eifach unvergässlich - 10 Johr Umzug in Möhlin mit de voll G’schtopftä!
Wo mir letscht Spotherbscht euses dasjöhrige Süüschee «Sparfüchs» bschlossä händ, händ mir it chönne wüsse, dass dr Kanton Aargau keini zwoi Wuche spöter d Kampagne «sei ein Energiesparfuchs» lanciert. Und so händ mir eus bim Kanton mit Buttons ideckt und dr Bund het eus mit Chläber usgstattet. Mit de Zueschauer am Strosserand händ mir denn d Reglä vom Energiespare trainiert und sie u.a. mit emenä Button belohnt. Übrigens händ mir’s denn au no in Newsletter Mangellage vom Kanton gschafft (https://www.ag.ch/de/themen/mangellage/newsletter).
Euses Fasnachtshärz het gnueg Nahrig und Energie fürs bevorstehende Johr kriegt. Mir säge jedem Einzelne ganz härzlich Dankschön, wo zur tolle Fasnacht 2023 bitreit het. Hebet euch Sorg! Mir gsehnd eus a dr Fasnacht 2024.
Diä voll G’schtopftä
