Von Erika Hugentobler-Lützelschwab, Magden
Ändlich isch die Pandemie überwunde / die meischte Vire si plötzlich verschwunde!
Doch jetz muess sich dr Vladimir Putin bewiese / drum schtartet är in dr Ukraine e Krise.
Es git doch immer wieder so komischi Lüt / si göhnd i d Schuel und lehre doch nüt.
So duet sich Gschicht immer wiederhole / scho wieder hett sone Machthaber befohle,
us Macht und Gier go es anders Land bsetze / sis Militär schicke zum Töte oder verletze
Mit was tuet är ächt die tuusige Soldate belohne? / dass die uf anderi Lüt schiesse mit Kanone?
Millione vo Ukrainer flüchte, es isch enorm / Richtig Weschte zieht dä Flüchtlingsschtrom
Alti Lüt, Fraue mit Chind, e riesigi Schlange / mit Auti, Büs, sogar z Fuess und alli bange,
dass si chönne rächtzytig verloh ihres Land / will eine ihri Heimet will, es isch e Schand!
Min Rot: schänked dene Chrieger-Type en Flug ins All / Dr Pris schpielt kei Rolle, Hauptsach sie verlöhnd dr Ärdball!
